Policia angleze godet një tjetër grup shqiptarësh që ishin duke kultivuar lëndë narkotike.
Disa ditë më parë 2 shqiptarë janë arrestuar me akuzën e prodhimit dhe rritjes së lëndëve narkotike, ndërkohë që një i tretë është ende në kërkim nga policia.
Gjatë kontrolleve që policia ushtron normalisht, ata kanë zbuluar një fermë të vogël kanabisi, e cila dyshohet se punohej nga shqiptarët, të cilët deri tani janë lënë anonim.
Arrestimi i njërit prej tyre ishte i lehtë për policinë. Ai u ndaluan në vend, ndërsa i dyti u arrestua pas një aksioni tjetër pasi fillimisht u largua së bashku me shqiptarin tjetër, i cili vijon të jetë ende në kërkim.
Bëhet gjithashtu me dije se autoritetet janë duke bërë gati procedurat e dëbimit për dy shqiptarët
“Të dy burrat që u arrestuan janë ndaluar nga zyrtarët e emigracionit dhe do të deportohen në Shqipëri. Kërkimet tona për vendndodhjen e të dyshuarit të tretë janë në vazhdim e sipër”, tha një zëdhënës policie. Gjithashtu mediat shkruajnë se gjatë kontrolleve në fermën e zbuluar janë gjetur edhe 20 bimë të llojit kanabis sativa.
