Kjo e diel është një ditë e shënuar për Tuzin në Mal të Zi dhe kjo sepse zhvillohet zgjedhjet administrative të cilat vendosin edhe për personin që do të drejtojë komunën.
Por nuk është një ditë e shënuar vetëm për këtë fakt, por edhe sepse për herë të hapur në historinë e të tilla proceseve, partitë politike shqiptarë janë bërë bashkë në një koalicion të cilin e kanë quajtur “Malësia na Bashkon”.
Për të realizuar këtë koalicion janë bashkuar partitë kryesore shqiptare: Alternativa Shqiptare, Lidhja Demokratike Shqiptare dhe Unioni Demokratik Shqiptar,të cilat kanë nënshkruar një Deklaratë mbi koalicionin parazgjedhor “Forumi Shqiptar” dhe kjo bën që të kandidojnë me një listë të vetme.
Ata vlerësojnë se zgjedhjet konsiderohen si një referendum që përcakton të ardhmen e komunitetit shqiptar atje, pas hyrjes në fuqi të ligjit shtatorin e vitit të kaluar që mundësoi krijimin e Komunës së Tuzit duke e ndarë atë përfundimisht nga Komuna e Podgoricës. Rreth 11.800 votues do të votojnë në 30 qendra votimi, e më pas kryetari i Komunës do zgjidhet me shumicë të thjeshtë nga Këshilli Komunal i njohur si Parlamenti i Tuzit, që në total ka 32 anëtarë.
Gjithçka në komunën e Tuzit është bërë gati për zgjedhjet, madje dokumentet janë edhe në gjuhën shqipe, pasi rajoni i malësisë është i populluar me shumicë shqiptare.
