Mëngjesin e 8 tetorit, patrulla e rojës bregdetare të Githios në Greqi, zbuloi një gomone me tre persona ekuipazh, e cila transportonte një ngarkesë droge, duke lëvizur me shpejtësi të madhe. Skafi i rojës bregdetare tentoi të bënte kontroll, por drejtuesi i gomones shtoi shpejtësinë dhe iu shmang kapjes. Menjëherë u njoftuan të gjithë autoritetet për të kapur gomonen e dyshimtë. Roja bregdetare dyshoi se ai transportonte drogë ose cigare kontrabandë.
Më në fund, e njëjta gomone u gjet gjysmë e fundosur, me efektivët e anti-drogës që menduan se droga ose ishte lënë diku ose ishte transportuar në formë tjetër.
Në gomon kishte fuçi me karburant të një cilësie të dyshimtë. Gjatë kontrollove që autoritetet kryen në një zonë shkëmbore bregdetare, zbuluan 20 çanta dhe 8 pako të mëdha me drogë qe e kalonin sasinë 1 ton. Autorët e krimit ishin përpjekur ta fshihnin drogën në plazh, por u pikas nga roja bregdetare.
Në Manin lindor autoritetet ushtruan kontroll dhe kapën një shqiptar i cili ishte një nga tre pjesëtarët e ekuipazhit. Në të njëjtën ditë u arrestua dhe një tjetër shqiptar duke udhëtuar me makinë i cili ishte nisur për të marrë shqiptarin që u kap.
“Klienti im V. A, shqiptar, është vetëm 26-vjeç, pranon vetëm hyrjen e paligjshme në vend dhe nuk pranon kategorikisht mbajtjen dhe transportin e drogës. Mendonte se gomonia transportonte cigare kontrabandë nga Shqipëria dhe sapo zbuloi se bëhej fjalë për drogë, debatoi me drejtuesin e gomones dhe bashkë me të arrestuarin e tretë ikën të trembur deri sa u kapën”, u shpreh për protothema.gr, mbrojtësja e një prej të akuzuarve, Claudia Raffo.
“Është i pafajshëm dhe nuk pranon asnjë bashkëpunim në një akuzë kaq të rëndë. Është një djalë i varfër me një familjar të varfër me probleme të rënda shëndetësore dhe pranoi transportin e cigareve kontrabandë për mbulimin e shpenzimeve mjekësore, vijoi ajo.
Teksa 26-vjeccari mësohet të ketë thënë: “Kujtoja se transportonim cigare kontrabandë. E bëra sepse kisha nevojë për para për një njeriun tim të afërt që kishte probleme me shëndetin”.
/GazetaReforma.com/
