Kombëtarja e vajzave U-19 zhvilloi mesditën e sotme ndeshjen e fundit të raundit të parë të Kampionatit Europian 2025 kundër Bjellorusisë në stadiumin “Arena Kombëtare”.
Ndeshja përfundoi me rezultatin 1-2 në favor të Bjellorusisë, që siguroi vendin e parë në grupin B1.
Pjesa e parë u mbyll me avantazhin minimal të Bjellorusisë, e cila gjeti rrjetën në minutën e 27-të.
Në pjesën e dytë, Bjellorusët shënuan edhe golin e dytë në minutën e 85-të. Kuqezinjtë reaguan me një gol të bukur nga Rosela Vasa në minutën e 88-të, por koha nuk mjaftoi për të ndryshuar rezultatin.
Shqipëria e mbyll këtë fazë në vendin e dytë dhe do të luajë në raundin e dytë sërish në Ligën B. Ndërkohë, vendi i parë në grupet e Ligës B siguron ngjitjen në Ligën A, ndërsa pritet përcaktimi i ekipit të dytë më të mirë që do të bashkohet në Ligën më të lartë.
Turneu u organizua me sukses nga Federata Shqiptare e Futbollit, me të gjitha ndeshjet e grupit të zhvilluara në Shqipëri./FSHF
