Sipas një studimi të bërë nga “Njësia e inteligjencës e The Economist”, Shqipëria pritet të vaksinojë rreth 60-70% të popullsisë deri në vitin 2022.
Kriteret që u morrën për bazë në këtë studimim ishin marrëveshjet e furnizimit, kufizimet e prodhimit, madhësinë e popullsisë dhe disponueshmërinë e punonjësve të kujdesit shëndetësor etj.
Me datën 22 janar, Pfizer raportoi si kishte nënshkruar me nismën Covax marrëveshjen e furnizimit për 40 milionë doza që do të shpërndahen në 92 vende në zhvillim, ku përfshihet edhe Shqipëria me 2021.
“Dozat e para pritet të dorëzohen në tremujorin e parë të vitit 2021, në varësi të negociatave dhe ekzekutimit të marrëveshjeve të furnizimit nën strukturën e Facilitetit COVAX me një çmim jo fitimprurës” njoftoi zyrtarisht, Pfizer
Ndërkohë, vaksinat kineze dhe ruse po shpërndahen si brenda vendit ashtu edhe në vendet në zhvillim si Egjipti, përmes marrëveshjeve dypalëshe diplomatike. Kjo do sjellë të ashtuquajturën diplomaci vaksinash, me Rusinë dhe Kinën që përpiqen të forcojnë statusin e tyre global përmes shpërndarjes së vaksinave, raporton EIU.
Shqipëria ka nënshkruar një marrëveshje me kompaninë prodhuese të vaksinës, Pfizer, për 500 mijë doza, por që pritet të vijnë në vend nga vjeshta e këtij viti. Numri i të vaksinuarve deri tani është minimal, kryesisht tek personeli shëndetësor.
Më mirë në rajon po ecën Serbia, që deri tani ka vaksinuar gati 500 mijë persona. Përveçse me kompanitë prodhuese Serbia ka marrëveshje me Rusinë dhe Kinën për marrjen e vaksinave nga këto dy shtete
