Për Italinë, Shqipëria është furnizuesi kryesor i trafiqeve ilegale dhe kjo është publikuar në raportin e fundit mbi Sigurinë Kombëtare në Portet italiane gjatë vitit të kaluar.
Kur flasim për trafiqe ilegale bëhet fjalë për: lëndët narkotike, armët dhe cigaret kontrabandë që qarkullojnë në këtë shtet, ku Shqipëria është kthyer në kanalin kryesor të këtyre lëvizjeve.
Sipas raportit vërehet një shtim i kontrabandës së cigareve në portet italiane dhe kjo dallohet nga sekuestrimet e cigareve kontrabandë përgjatë vitit 2018. Ajo që vihet re është se si fenonmen është dalluar më së shumti në portet italiane që kanë dalje në detin Adriatik dhe shtet prej nga tregtohet më shumë janë Shqipëria dhe Greqia.
Në total autoritetet doganore e policia kufitare në portet italiane kanë sekuestruar rreth 101.175,913 kg lëndë narkotike të tipit hashash, marijuanë, kokainë e heroinë.
Trafiku i kokainës konfirmohet si monopol i mafias kalabreze Ndrangheta, aktivitet të cilin e kryen në bashkëpunim me grupet kriminale të huaja mes të cilëve dhe grupet kriminale shqiptare. Viti 2018 ka vërtetuar një fluks rritje të trafikut të heroinës nga Shqipëria përmes portit të Barit. Heroina trafikohet kryesisht në portet e Barit, Triestes e Brindizit.
Heroina e prodhuar në Afghanistan, Pakistan, Iran hynë në Itali përmes Shqipërisë e Turqisë.
Kufiri i jashtëm me Shqipërinë e kufiri i brendshëm me Greqinë konfirmohet si rrugët kryesore të trafikut të marijuanës në Itali. Portet kryesore të trafikut ilegal të marijiuanës janë Bari, Genova e Civitavechia.
Raporti i 2018, vlerëson se Italia mbetet një nga vendet kryesore të destiancionit të armëve ilegale të ardhura nga vendet e ish Jugosllavisë e Shqipërisë. Ky aktivitet kryhet për llogari të grupeve kriminale shqiptare që zotërojnë dhe sasi të konsiderueshme armësh tip kallashnikov AK-47 për t’i tregtuar.
