Sllovenia ditën e sotme ka futur Shqipërinë e Portugalinë në listën e kuqe të vendeve nga të cilat hyrja nënkupton një karantinë 14-ditore, përveç disa përjashtimeve ndërkohë ka hequr Malin e Zi dhe Luksemburgun nga lista e vendeve të sigurta Covid-19 nga të cilat mbërritjet nuk përballen me kufizime.
Shqiptarët që duan të futen në Slloveni duhet të bëjnë një karantinë 14 ditore.
Kufizimet do të futen në fuqi nga dita e nesërme. Zëdhënësi i qeverisë sllovene Jelko Kacin këshilloi shmangien e udhëtimeve në vendet që janë në listën e kuqe.
“Këshillojmë fuqimisht shmangien e çdo udhëtimi në vendet me listës së kuqe”.
Sllovenët theksojnë se në listën e kuqe përfshihen vendet që regjistrojnë më shumë se 40 infeksione të reja ditore për 100,000 banorë në dy javët e fundit.
Kujtojmë se disa ditë më parë edhe Mali i Zi mbylli kufirin me Shqipërinë për shkak të rritjes së numrit të infeksioneve me COVID në vendin tonë. Në Shqipëri në 9 ditët e fundit janë shënuar 13 viktima duke e çuar në 48 totalin e tyre sakaqë numri I të infektuarve ka shkuar në 2114 pacientë prej të cilëve 850 janë raste aktive .
