Avokati Bledar Meminaj ka thënë se Shqipëria mund të jetë zgjedhur enkas për ngjarjen e rëndë ku u gjetën të vdekur katër shteasit rusë. I ftuar në emisionin “Open”, ai tha se shihet qartë se grupet e ekspertimit janë njohur me sasinë e klorit, me helmim e asfiski.
“Është zgjedhur ndoshta enkas për Shqipërinë se nuk është përgatitur ende për të zbuluar të tilla ngjarje. Zbulimi ose akti i ekspertimit më i detajuar do të varen nga organi procedurës, besoj se do të ketë grup ekspertësh për të dalë në rezultat. Shihet qartë se grupet tona të ekspertimit janë njohur me sasinë e klorit, me helmim, asfiksi”, ka thënë avokati.
Më tej ai ka thënë se Shqipëria ka qenë para vendit të përfundimit të misionit. Avokati tregoi se I gjithë hoteli duhet të jetë provë për grupin hetimor.
“Ne jemi para faktit që Shqipëria ka qenë para vendit të përfundimit të misionit. Vendngjarja është aty ku duket, por në fakt këtu është përfundimi. I gjithë hoteli duhet të jetë prova kryesore ku grupi i hetimit të marrë provat”, deklaroi Meminaj.
Kujtojmë që ngjarja e rëndë ndodhi mbëmjen e së premtes, kur katër shtetasit rusë u gjetën pa shenja jete në një hotel në qerret. Fillimisht u tha se ata ishin asfiksuar në saunën e hotelit, por detje të tjera dolën në dritë, që tregonin se ata ishin gjetur në zonën e pishinës. Edhe pse në fillim u deklarua se turistët rusë mund të kishin vdekur nga asfiksia, tashmë çështja po hetohet si vrasje.
