Në Krujë kanë rënë në pranga 2 persona të cilët kishin përshtatur 2 banesa për kultivimin bimëve narkotike, me anë të llambave. Gjithashtu janë sekuestruar 17.1 kg kanabis (7.6 kg në formë çokollate), 156 fidanë kanabis, të kultivuar në vazo e kubikë, 80 llamba që përdoren për kultivim kanabisi në ambjente të mbyllura, 46 Drosela, 22 pllaka metalike te nikeluara për ndriçim të brendshëm, si dhe 2 aspiratorë.
Theksojmë faktin s e”shtëpitë e barit” të përshatura për kultivimin e bimëve narkotike tashmë janë kthyer në një dukuri të zakonshme në vend.
Madje edhe në mes të Tiranës janën pikasur ‘shtëpi bari”, gjë e cila lë për të kuptuar se vendi ynë po “noton” në kanabis.
Njoftimi i Policisë së Shtetit:
Vihen në pranga 2 shtetas, shpallet në kërkim një tjetër.
Në vijim të punës për parandalimin dhe goditjen e veprimtarisë kriminale në fushën e kultivimit të lëndëve narkotike, si dhe bazuar në informacionet e marra në rrugë operative se në fshatin Derven, Krujë disa shtetas posedonin ambjente (banesa), të përshtatura për kultivimin e bimëve narkotike, DVP Durrës, në bashkëpunim me Drejtorinë Rajonale të AMP Durrës, organizuan dhe finalizuan operacionin policor të koduar “Led 2”.
Si rezultat i këtij operacioni u arrestuan, në flagrancë, shtetasit:
Gj. P., 53 vjeç, banues në Bushnesh,Krujë,
K. L., 26 vjeç, banues në Derven, Krujë.
Gjithashtu, u shpall në kërkim shtetasi N. L., 35 vjeç, banues në Derven, Krujë.
Në vijim të operacionit, gjatë kontrollit të ushtruar në banesat e shtetasve Gj. P. dhe N. L., shërbimet e Policisë, kanë konstauar 2 ambiente të përshtatuara për kultivim të bimëve narkotike, me anë të llambave. Gjithashtu, shërbimet e Policisë gjetën e sekuestruan lëndë narkotike, fidanë e pasjise elektrike që shërbenin për kultivim të bimëve narkotike.
Vijon puna për kapjen e shtetasit N. L., si dhe për identifikimin dhe kapjen e personave të tjerë të përfshirë në këtë veprimtari kriminale. Materialet i kaluan për hetime të mëtejshme Prokurorisë pranë Gjykatës së Rrethit Gjyqësor Krujë, per veprat penale “Prodhimi dhe shitja e narkotikëve” dhe “Kultivimi i bimëve narkotike”, të kryera në bashkëpunim.
