Kombëtarja shqiptare e futbollit ka fituar ndeshjen me Andorran mbrëmjen e sotme me një gol të Ermir Lenjanit që në pjesën e parë të takimit. Kjo ka qenë një nisje e mbarë në ndeshjen e parë të kualifikueseve për botërorin “Katar 2022”.
Në fomracionin e përzgjedhur nga trajneri Edi Reja nuk ka paur eksperimente, gjë që tregon se ndeshja ndaj Andorras është marrë seriozisht dhe gabimet nuk janë toleruar. Etrit Berisha u rikthye të zëvendësonte Thomas Strakoshën në portë, pasi ky i fundit është prej disa kohësh i dëmtuar.
Rastet kanë qenë të pakta, ndërsa kuqezinjtë kanë dominuar një pjesë të mirë të takimit. Kujtojmë që në vitin 2019 kombëtarja e Andorras arriti të barazonte me Shqipërinë me rezultatin 2-2 në stadiumin “Elbasan Arena” gjë që tregon se nuk janë skuadër për t’u nënvlerësuar.
Kombëtarja mban vendin e dytë në grup me pikë të njëjta me Anglinë që renditet e para dhe është edhe favoritja e grupit. Kombëtarja e Southgate fitoi me rezultatin e thellë 5-0 përballë San Marinos mbrëmjen e sotme.
Të dielën Shqipëria do të presë skuadrën e Anglisë në stadiumin “Air Albania”, një sfidë që pritet të jetë mjaft e vështirë për të besuarit e Rejës edhe pse kane premtuar maksimumin.
