Shqipëria po përballet me një epideminë e gripit që po shkakton pasoja të shumta shëndetësore.
Sipas të dhënave nga 14 qendrat shëndetësore, numri i të prekurve nga infeksionet respiratore ka arritur rreth 21 mijë.
Mjeku kardiolog tha se bashkëqarkullimi i virozave dhe gripit ka shtuar rastet me probleme kardiake pas kalimit të infeksionit.
“Paraqitet situata e rënduar si nga ana pulmonare edhe nga ajo kardiake. Kemi pasur të sëmurë kardiakë të dekompesuar si rrjedhojë e këtyre gjendjeve virale. Dhe si rrjedhojë e një viroze që kalojnë dekompesohen. Mbajtje fryme, dobësi trupore dhe aritmi malinj që janë manifestuar në terren të miokardit”, tha mjeku.
Përveç të sëmurëve kronikë, problemet kardiake si pasojë e virozës po vihen re edhe tek pjesa tjetër epopullatës.
“Kemi raste të reja të cilat prezantohen për herë të parë, me sëmundje kardivaskulare të komplikuar nga infeksionet virale, por kemi edhe raste të cilat vijnë të mbivendosura nga sëmundje kronike. Kemi parë edhe komplikacione të sipërme të zemrës, fibracion arterial dhe është konstatuar në fazën e temperatures”, tha kardiologu.
Mjekët bëjnë apel që të mos neglizhohet asnjë shenjë klinike.
“Shqetësimi duhet të fillojë nëse temperatura shkon mbi 3 ditë, nëse ka mbajtje fryme, nëse ndjen debulesë, dhimbje kraharori apo tendencë të çrregullimit të ritmit”, tha mjeku Gishto.
