Numri i vaksinimeve për Covid-19 në vendin tonë ka arritur në shifrën 1.5milionë. Lajmin e ka bërë të ditur kryeministri Edi Rama me anë të një postimi në rrjetet sociale, ku u bën thirrje qytetarëve të vaksinohen
“Vaksinohuni, vaksinohuni, vaksinohuni
#MbroniShëndetin
#VaksinatShpëtojnëJetë
#ShqipëriaBuzëqesh”, shkruan Rama.
Kujtojmë se muaji shtator do të jetë muaj i hapur vaksinimi për të gjithë qytetarët. Kushdo mund të paraqitet me kartën e identitetit në qendrën shëndetësore ose në pikën më të afërt të vaksinimit për të marrë dozat e vaksinës anti-Covid. Vaksinat që përdoren në vendin tonë janë Pfizer, AstraZeneca dhe Sinovac.
Ndërkohë, numri i infektimeve me koronavirus ka ardhur në rritje, ndikuar edhe nga prania e variantit Delta.
Në 24 orët e fundit në vendin tonë kanë rezultuar pozitivë me COVID19 895 qytetarë. Tre persona kanë humbur betejën me virusin, ndërsa pitalin Infektiv po marrin trajtim 114 pacientë, nga të cilët 19 janë në gjendje më të rënduar. Fatmirësisht, 519 qytetarë janë shëruar gjatë 24 orëve të fundit, duke e çuar numrin e të shëruarve në 135,321 që nga fillimi i epidemisë.
Ministria e Shëndetësisë u ka bërë vazhdimisht apel qytetarëve që të vaksinohen, në mënyrë që të parandalojnë përhapjen e mëtejshme të virusit dhe të mbrojnë shëndetit e jetën e tyre e të njerëzve që i rrethojnë.
