Ditën e sotme ka nisur çmontimi i lokaleve përreth stadiumit “Arena Kombëtare”, si pjesë e masave të sigurisë në prag të ndeshjes Shqipëri–Serbi, e cila do të zhvillohet më 7 qershor në Tiranë.
Punonjësit kanë filluar të heqin xhamat, çadrat dhe karriget nga ambientet përreth stadiumit, një masë që po zbatohet për të shmangur çdo incident të mundshëm.
Kjo është hera e dytë që merren masa të tilla drastike për një ndeshje futbolli, pas atyre të ndërmarra gjatë finales së Conference League në Tiranë.
UEFA dhe Policia e Shtetit e kanë klasifikuar ndeshjen si “me rrezikshmëri të lartë”, pavarësisht se nuk do të ketë praninë e tifozëve serbë në stadium.
Autoritetet janë në gatishmëri të plotë për të garantuar sigurinë para, gjatë dhe pas ndeshjes.
