Shqipëri-Hungari, vjen goli historik, Armando Broja ‘tund’ rrjetën me një predhë të fuqishme.
Më në fund SHQIPËRIA! Armando Broja në minuten e 87′, i hedhur ne fushe ne pjesen e dyte, ka gjetur goditjen perfekte dhe i ka dhene avantazhin kuqezinjve ndaj Hungarise ne Elbasan Arena, duke ngritur publikun ne kembe.
Për herë të parë në histori, atëherë kur duhej, Shqipëria i shënon Hungarisë duke marrë një fitore jetike për kualifikueset e botërorit “Katar2022”. Kuqezinjtë triumfojnë në Elbasan Arena falë një super goli të realizuar nga Armando Broja. Në topin e parë që i erdhi në këmbë, në rastin e parë rast, Armando Broja ishte thjeshtë fantastik. Në minutën e 87-të sulmuesi kuqezi mbrojti mirë topin në zonë dhe me një të djathtë potente dërgoi topin në rrjetë dhe Shqipërinë në avantazh përballë Hungarisë. Kjo fitore ndez edhe një herë ambientin rreth kombëtares, një fitore minimale që mban të ndezur këtë fushatë kualifikueseh.
PJESA PARE
Jemi të pafat por jemi aty, në lojë, për të marrë një rezultat pozitiv përballë Hungarisë, një ndeshje që duhet fituar me çdo kusht për të mbajtur të ndezur këtë fushatë kualifikuesesh. Me një skemë të njëjtë, por me aktorë ndryshe, të kushtëzuar nga mungesat dhe dëmtimet, Shqipëria bind në 45 minutat e para, është më e qartë në fushën e lojës, ka më shumë dëshirë, por sërish hasim jo pak vështirësi edhe kur kundërshtari zbret në portën tonë pa shumë probleme. Nedim Bajrami vërtetoi që në debutim se është një lojtar me shumë klas dhe me një vizion të qartë, me topin në këmbë është një rrezik konstant në çdo moment.
Shqipëria krijoi disa aksione të mira gjatë pjesës së parë ndërsa flagrant ishte rasti i shpërdoruar nga Marash Kumbulla në minutën e 33-të ku i vetëm në shtyllën e dytë nuk arriti të shtynte topin në portën e boshatisur. Fraksioni i parë mbyllet në barazim pa gola ndërsa në pjesën e dytë na duhet diçka më shumë për të mposhtur Hungarinë.
