Në orën 18:00 Shqipëria do të përballet me Anglinë në stadiumin „Air Albania“ me shpresën e një rezultati pozitiv përballë një kundërshtari mjaft të fortë.
Edhe pse ndeshja me „tre luanët“ do të jetë e vështirë, kuqezinjtë nuk do të dorëzohen për të arritur drejt endrrës së madhe të Botërorit 2022 që nuk është arritur kurrë më parë. Një fitore apo qoftë edhe barazim me Anglinë do të ishte një sinjal pozitv për ecurinë e të besuarve të Rejës në Grupin I, duke ndalur pretendenten kryesore.
Aktualisht Shqipëria ndan të njëjtin numër pikësh me Anglinë, me skuadrën e Southgate që kryeson pasi ka numër më të madh golash. Anglia arriti të fitonte përballë San Marinos me rezultatin 5-0 ndërsa kombëtarja shqiptare fitoi në Andorra me rezultatin minimal 1-0.
Trajneri Edi Reja ka bërë ndryshime në formacionin zyrtar teksa me aktivizimin ieMemollës që nga minuta e parëe takimit, ndërkohë që reparti ofensiv do të përbëhet nga Uzuni, Cikalleshi dhe Broja.
Ndërkohë trajneri i Anglisë ka hedhur në fushë formacionin më të mirë të mundshëm që ka në dispozicion, duke aktivizuar në sulm një treshe të frikshme siç janë Stërling, Maunt dhe Kejn.
FORMACIONET ZYRTARE:
Berisha, Gjimshiti, Veseli, Ismajli, Hysaj, Memolla, Bare, Laçi, Uzuni, Cikalleshi, Broja. Trajner: E. Reja.
