Infeksionisti i njohur Tritan Kalo, që është edhe anëtar i Komitetit të Ekspertëve ka bërë një sqarim publik pasditen e sotme, ku u drejtohet mediave, qytetarëve dhe politikanëve.
Ky reagim i Kalos merr shkas nga lajmet ku thuhet se Komiteti ka fuqi vendimarrëse, përfshi edhe protestën e ditës së sotme të Shoqatës së Transportit.
Duke iu referuar protestës dhe raportimeve, mjeku Kalo shprehet se Komiteti i Ekspertëve nuk ka rol vendimarrës në këtë situatë, por është ngritur për të hartuar draft-dokumenta si dhe për të këshilluar në lidhje me mirëmenaxhimin e këtij infeksioni si dhe për monitorimin e tij.
Mesazhi i plotë
KOHË KOVIDIANE …I DETYRUAR për të bërë një SQARIM shterues për mediat vizive, ato të shkrojtura, zëdhënësit e funksionarët e Ekzekutivit, si dhe për Publikun e gjërë…Mervyn LeRoy shprehet se: “Shpik një rrenë të mirë e njerzit do ta marin për ar të kulluar.”….Në Deklaratën e sotme në lidhje me një protestë të punonjësve të Transportit Publik para Ministrisë së Infrastrukturës dhe të Energjitikës (MIE), në të gjitha kanalet televizive dhe në shumë media u theksua se “Komiteti i Ekspertëve ka vendosur se…”….Mqse NUKU është rasti i parë që ndodh një gjë e tillë, unë jam i detyruar t’ju sqaroj për hir të së vërtetës faktike se: ”Komiteti i Përkohshëm për Infeksionin e Përhapur nga Coronavirusi i Ri” i ngritur me Vendimin Nr. 566 të datës 31.01.2020, të Ministrisë së Shëndetësisë dhe të Mbrojtjes Sociale (MShMS) ku edhe unë bëj pjesë, është ngritur për të hartuar draft-dokumenta si dhe për të këshilluar në lidhje me Mirëmënaxhimin e këtij infeksioni si dhe për Monirtorimin e tij…..Ai u ngrit kur infeksioni Sars-Cov2/Covid-19 ende nuk ishte deklaruar në Shqipëri, si dhe kur ai ende nuk ishte shpallur si Pandemi nga OBSH.…NUK ka asnjë GËRMË të vetme në të, që të shprehet se ky KOMITET KËSHILLIMOR dhe SUGJERUES për veprime dhe masa të cilat duhen ndërmarë për mirëkontrollimin e mirëmenaxhimin e sfidës Sars-Cov2/Covid-19, ka edhe atribute VENDIM-MARRËSE/LEGJILATIVE….Një tagër i tillë i VENDIM-MARJES është vetëm e vetëm një atribut i Organeve të Ekzekutivit aktual….NËSE gabime informuese të tilla janë të rastësishme e të paqëllimta duhet dikush t’i përgënjeshtrojë ato, POR nëse ato janë të qëllimta për të hedhur mbi supet e anëtarëve të tij diçka të pa parashikuar nga Legjislacioni Shqiptar, një gjë e tillë bëhet automatikisht e Ligjshme dhe e dënueshme në përputhje me Ligjet në Fuqi…..Kontributi ynë si specialistë në këtë Komitet është thjesht një kontribut Profesional dhe mbi baza VULLNETARE pa as më të voglin përftim monetar, sikundër ndodh aktualisht në Komisionet Parlamentare ose në Bordet e ngritura prej Ekzekutivit ….Ju faleminderit për mirëkuptimin, Dr. Tritan Kalo.
Komitetit Teknik kundër Covid-19 përbëhet nga: zv.ministrja e Shëndetësisë Mira Rakacolli, drejtoresha e ISHP Albana Fico, specialistja e ISHP Silva Bino, shefja e Survejancës dhe Shërbimit të Inteligjencës Epidemike në ISHP Eugena Tomini, infeksionisti Tritan Kalo, shefja e Infektivit Najada Çomo, pediatrja Gjeorgjina Kuli Lito, mjeku Andi Koraqi, kreu i Urgjencës Kombëtare Skënder Brataj, drejtoresha e Përgjithshme e Shërbimeve të Kujdesit Shëndetësor Mirela Cami, Flutra Beqo, drejtoresha e Agjencisë Kombëtare të Barnave Narvina Sinani dhe drejtoresha e Inspektoriatit Shëndetësor Areti Beruka.
Përgjegjësia e Komitetit Teknik të Ekspertëve është që të zbatojë një strategji të mirëpërcaktuar, e cila synon të identifikojë rastet, të ndjekë dhe të ndërpresë zinxhitin e transmetimit të infeksionit.
Detyra funksionale e Komitetit Teknik të Ekspertëve është që të udhëzojë dhe të kërkojë mbështetje të vazhdueshme nga autoritetet, me qëllim zbatimin rigoroz të një strategjie të përcaktuar qartë, të luftës kundër Covid-19 në tërësinë e saj.
