Strehohet në Laknas, Kamëz, familja e parë ukrainase në Shqipëri, e cila është larguar nga vendi i saj për t’i shpetuar tmerrit të luftës.
Ministrja e Shtetit për Marrëdhënien me Parlamentin, Elisa Spiropali ka dhënë lajmin e mirë, se një familje ukrainase është strehuar në Tiranë.
Teksa publikon në rrjete sociale foton e familjes, Spiropali shkruan se ata ndodhen të strehuar në një fermë shqiptare në Laknas dhe mikpritja nuk ka munguar.
Postimi i Elisa Spiropalit:
Ikur nga tmerri i luftës, familja e parë nga Ukraina mbërrin në Tiranë!
Mikpritja shqiptare nuk zhgënjen!
Uka Farm në Laknas hap dyert për nënën me dy fëmijët e saj
Kujtojmë që kjo e diel shënon ditën e 18-të të luftës në Ukrainë, ndërsa u shënua vdekja e parë e raportuar, e një gazetari të huaj që mbulon luftën në Ukrainë.
Gazetari i “New York Times”, Brent Renaud u vra nga rusët në Irpin të Ukrainës këtë të diel, ndërsa dy gazetarë të tjerë që ishin me të mbetën të plagosur.
Një këshilltar i lartë i presidentit ukrainas Volodymyr Zelensky, Podoliak Belta tha se bisedimet e mëtejshme midis Rusisë dhe Ukrainës mund të zhvillohen javën e ardhshme mes datave 14-15 mars.
Këshilltari amerikan për Sigurinë Kombëtare, Jake Sullivan tha sot në lidhje me qëndrimin bërthamor të presidentit rus Vladimir Putin se nuk është bërë ndonjë gjë që SHBA të ndryshojë qëndrimin e saj bërthamor. “Ne po e shikojmë këtë jashtëzakonisht nga afër, dhe padyshim, rreziku i përshkallëzimit me një fuqi bërthamore është i rëndë dhe është një lloj konflikti i ndryshëm nga konfliktet e tjera që populli amerikan ka parë gjatë viteve,” i tha Sullivan.
