Vazhdojnë tensionet mes protestuesve të PDIU dhe shoqatës ‘Çamëria’ dhe policisë. Protesta bëhet pas vizitës së ministrit të jashtëm grek, Nikos Dendias në Tiranë.
Për disa herë me radhë, protestuesit janë përplasur me kordonin policor, ndërsa është tentuar të goditet makina e minstrit grek në momentet që po futej në Ministrinë e Jashtme.
Sipas informacioneve paraprake, llogariten të jenë shoqëruar rreth 24 persona në komisariat nga kjo protestë. Ndërkohë, në momentet që ministri Dendias po dilte nga ministria e Jashtme drejt Kryeministrisë, ishte kryetari i PDIU, Shpëtim Idrizi, që eci me vrap dhe u përpoq të qëllonte me shishe uji makinën që po kalonte nga ana tjetër e rrugës.
Edhe protesta u zhvendos drejt Kryeministrisë, ku Dendias do të takohet me Ramën.
/GazetaReforma.com/
