Në orët e para të mëngjesit të ditës së sotme në shkallët e një pallati në Allias është hedhur lëndë plasëse. Policia e Tiranës ka dhënë detaje në lidhej me këtë ngjarje që tronditi banorët e pallatit dhe zonës. “Nga veprimet paraprake të kryera nga grupi hetimor dyshohet se zhurma ka ardhur si pasojë e plasjes së një kapsolle me lëndë piroteknike e konfirmuar dhe nga eksperti anti-eksploziv), pa shkaktuar asnjë dëm material.”, bëhet me dije nga Policia.
Mësohet se ka qenë shtetasi me inicialet K.B., i cili ka deklaruar në polici se rreth orës 03:00, ka dëgjuar një zhurmë në sheshpushim e pallatit në rrugën “Njazi Meka”. Mësohet se në vendngjarje kanë shkuar forcat e policisë dhe grupi hetimor dhe po vijojnë veprimet e mëtejshme për sqarimin e plotë të ngjarjes.
Njoftimi i Policisë
Më datë 05.09.2021, rreth orës 06:56, në sallën operative të DVP Tiranë ka telefonuar shtetasi K. B., i cili deklaron se rreth orës 03:00, ka dëgjuar një zhurmë në sheshpushim e pallatit në rrugën “Njazi Meka”
Nga veprimet paraprake të kryera nga grupi hetimor dyshohet se zhurma ka ardhur si pasojë e plasjes së një kapsolle me lëndë piroteknike e konfirmuar dhe nga eksperti anti-eksploziv), pa shkaktuar asnjë dëm material.
Vijojnë veprimet e metejshme për sqarimin e plotë të ngjarjes.
