Një shpërthimi i fuqishëm zjarri ka tronditur Libanin. Shpërthimi ka ndodhur depo me armë dhe municione në kampin e refugjatëve palestinezë, në qytetin port jugor të Tiros. Ndërkohë mediat e huaja shkruajnë se dhjetëra persona kanë mbetur të lënduar.
Sipas burimeve ushtarake dyshohet se shpërthimi është shkaktuar nga një zjarr që ka rënë në magazinë, ndërsa ende nuk dihen shkaqet se si ka ndodhur.
Një burim palestinez brenda kampit i tha agjencisë së lajmeve reuters se të paktën 12 persona ishin plagosur dhe kishte një numër të panjohur viktimash pas shpërthimit vonë të premten.
Ndërkohë në pamjet që janë publikuar në rrjetet sociale shihet zjarri i madh që ka përfshirë kampin ndërsa shtëllunga të mëdha tymi shpërthejnë mbi qytet.
Zona përreth është evakuar ndërsa ekipet e shpëtimit dhe ambulanca ka shkuar në vendngjarje.
Në vendngjarje kanë mbërritur zjarrfikësit të cilët kanë tentuar të shuajnë flakët , por ashtu edhe ekipe mjekësore dhe forca të shumta ushtrie janë të vendosur në zonë.
Ndërkaq një banore ka treguar se fillimisht është dëgjuar një shpërthim i fortë i cili është pasuar më pas edhe nga shumë të tjerë.
مراسل العربية: ١٣ قتيلا حصيلة أولية جراء انفجار مستودع #حماس للذخيرة في مخيم برج الشمالي
#العربية pic.twitter.com/hRisYNtMFD— العربية (@AlArabiya) December 10, 2021
