Pas ngjarjes së rëndë ku shpërtheu me tritol makina e kreut të PD-së në Vaun e Dejës, Bernard Ndreca, ka reaguar ky i fundit.
Në një deklaratë për gazetarët ai tha se ky është një akt që vjen për shkak të detyrës së tij dhe se nuk ka pasur asnjë konflikt personal me askënd.
“Në momentin që ka lëvizur makina nga vendi aty ka qenë shpërthimi. Skam konflikte me asnjë, kjo është e përdorur politikisht. S’më është vendosur mua por kreut të PD së Vaut të Dejës sepse këtu janë të organizuar mirë. S’kam përplasje, as kërcënime. Janë parë pamjet, vijnë dy persona, në orën 1:15 të natës, rreth 7 minuta aty, vendosin eksplozivin dhe largohen. Janë të maskuar.
Thirrja ime është, duke filluar që nga kryeministri: Të distancojnë policinë nga politika. Lërini njerëzit të votojnë të lirë. I bëj thirrje çdo lloj kahu politik, se vullneti i njerëzve dihet se ku shkon, nuk i mbani dot bashkitë e vendeve me presion”, deklaroi ai.
Ndërkoë kanë folur edhe kandidati për bashkinë Vau i Dejës dhe deputetja Greta Bardeli.
Zef Hila: Akt kriminal ndaj kreut të PD Vau Dejës, të merren masa që ky rast të zbardhen edhe autorët. I bëj thirrje kryeministrit dhe ministrit të brendshëm të reagojnë menjëherë për zbardhjen e kësaj ngjarje.
Greta Bardeli: Ngjarje e rëndë. Kjo ngjarje mafioze kriminale ka 1 emër, atyre që nxisin gjuhën e urrejtjes. I bëj thirrje osbe odihr që të jenë të pranishëm në Qarkun e Shkodrës 30 ditë para zgjedhjeve. Nuk janë shenja të mira për zgjedhjet lokale dhe demokracinë. Si drejtuese politike bëj thirrje policisë dhe prokurorisë që të zbardhë ngjarjen. Demokratët nuk friksohën.
