Detaje të reja janë bërë të ditura nga shpërthimi i ndodhur ditën e djeshme në makinën e prokurorit Arjan Muça. Gazetarja Klodiana Lala ka thënë se një kamera sigurie ka flimuar personin që ka montuar minën me cellular në makinë. Bëhet fjalë për një person që udhëton me motor dhe i veshur me të zeza. Ai ka hyrë në parking, ka vendosur tritolin e më pas është larguar. Po ashtu gazetarja ka thënë se pranë vendit të ngjarjes është gjetur një bateri celulari, që tregon se shpërthimi është bërë i komanduar. Kjo është një provë për zbardhjen e mëtejshme të ngjarjes. Po ashtu autori e ka pasur të qartë makinën në të cilën do të vendosej tritoli, pasi në kamera ai duket që shkon drejt e te mjeti i prokurorit. Qëllimi i autorëve nuk ka qenë vrasja e prokurorit apo bashkëshortes së tij, por ata kanë dashur t’i dërgojnë atyre një mesazh nisur nga sasia e vogël e tritolit që është vendosur. Po ashtu bëhet me dije se mjeti përdorej nga bashkëshortja e prokurorit, ndërsa ditën e shëprthimit ajo ka shoqruar Arjan Muçën për në punë e më pas është nisur drejt Gjykatës Adimistrative, ku edhe punon. Më pas ajo ka marrë bashkëshortin nga puna dhe kanë shkuar te stadiumi “Dinamo” dhe më pas në shtëpi.
Mjetin e tyre e ka marrë më vonë djali i tyre që ka lëvizur rreth 2 orë në kryeqytet. Djali nuk ka qenë shënjestër e autorëve, por ngjarja ka pasur të bëj me Arjan dhe Gentiana Muçën.
