Një zjarr ka përfshirë, në fshatin Panaja të Vlorës ku qindra rrënjë ullinj po digjen. Ndërsa zjarri po përparon me shpejtësi dhe po shkrumbon çdo gjë që i del përpara.
Mësohet se flakët kanë dalë në rrugë dhe kanë bllokuar aksin Vlorë – Fier. Bëhet me dije se në vendngjarje ka mbërritur menjëherë një zjarrfikëses, por situata është e vështirë. Banorët e zonës shprehen se nëse flakët favorizohen, mund të kalojnë dhe në anën tjetër të rrugës, zonë e cila është e tëra me ullishte.
Por edhe pse kanë kaluar disa orë në luftë me flakët, vatrat janë ende të fuqishme dhe mund të përparojnë me shpejtësi. Po ashtu burime bëjnë me dije se zjarri mund të jetë vendosur qëllimisht. Po ashtu bëhet me dije se në këtë fshat ka pasur edhe një shpërthim të fuqishëm, i cili dyshohet se është nga municionet. Mësohet se policia ka rrethuar zonën sepse mund të ketë të tjera municione të hedhura apo të fshehura në këtë zonë. Gjithashtu raportohet se situata nga zjarri është shumë herë më e rëndë dhe se zjarri në ullishte po përhapet më shpejtësi për shkak të erës së fortë. Ndërkohë që ende nuk kemi një ndërhyrje nga ajri për shuarjen e flakëve të cilat po përhapen me shpejtësi dhe rrezikojnë banesat.
