Një shpërthim ka ndodhur në një lokal në Dibër. Bëhet me dije se nga shpërthimi janë plagosur dy kalimtarë.
Ngjarja ka ndodhur rreth mesantaës së kaluar, rreth orës 23:10.
Mësohet se lokali është në pronësi të personit me inicialet L.D. Shpërthimi ka shkaktuar edhe dëme të shumë materiale, por policia deklaron se nuk dihet nga se ka ardhur.
Policia njofton se grupi hetimor po kryen veprimet në vendngjarje, si dhe po punohet intensivisht për përcaktimin e shkakut të shpërthimit.
Njoftimi i policisë për ngjarjen:
Rreth orës 23:10, datë 28.07.2019, në lokalin e shtetasit L.D., në qytetin e Peshkopisë, ka ndodhur një shpërthim e për pasojë janë dëmtuar lehtë dy kalimtarë të rastit, si dhe janë shkaktuar dëme materiale.
Grupi hetimor po kryen veprimet në vendngjarje, si dhe po punohet intensivisht për përcaktimin e shkakut të shpërthimit.
