Një shpërthim me tritol ka ndodhur mbrëmjen e djeshme në Burrel.
Mësohet se i është vënë tritol banesës së punonjësit të Shërbimit Informativ Kombëtar, Alfred Karaj.
Ende nuk dihet nëse shpërthimi është bërë për arsye të punës së të riut.
Nga të dhënat e para raportohet se nuk ka dëme në njerëz, por vetëm dëme materiale. Ndërkohë, policia ndodhet në vendngjarje dhe po kryen hetime për zbardhjen e të vërtetës.
Por mbrëmjen e djeshme ndodhën një sër ngjarjesh të tjera. Pas disa atentateve me armë dhe shpërthimeve me tritol, raportohet se në Elbasan, ka pasur dhe vjedhje në disa banesa.
Një banesë është vjedhur në lagjen Vullnetari, ku grabitësit kanë marrë sende me vlerë, ndërsa familjarët kanë denoncuar rastin në polici.
Vjedhja e dytë ka ndodhur në njësinë administrative Tregan, ku dyshohet se dy persona kanë hyrë në banesë dhe kanë vjedhur materiale ndërtimi dhe një motor, të cilin e kanë braktisur, për shkak se nuk kishte karburant.
Për dy rastet policia po vijon hetimet për të vënë në pranga autorët e ngjarjeve.
Gjithashtu dje ndodhi dhe ekzekutimi i anëtarit të bandës së Durrësit, Mond Çekiçi. Ngjarja ndodhi rreth orës 08:40 të paradites në afërsi të drejtorisë arsimore.
Nga hetimet paraprake, dyshimet e policisë tregojnë se vrasja u bë për shkak të kaluarës kriminale të viktimës.
