Një ngjarje e rëndë ka ndodhur në orët e para të mëngjesit të sotëm në rrugën “Peti” në Tiranë, ku rreth orës 03:50 ka shpërthyer një sasi lënde plasëse në portën hyrëse të garazhit të shtetasit Elvis Kosova, 39 vjeç.
Si pasojë e shpërthimit, janë shkaktuar dëme të mëdha materiale, përfshirë disa automjete të parkuara pranë vendit të ngjarjes. Fatmirësisht, nuk ka të lënduar.
Menjëherë pas ngjarjes, grupi hetimor ka mbërritur në vendngjarje dhe ka nisur punën hetimore.
Janë sekuestruar pamjet e kamerave të sigurisë dhe vijojnë veprimet për identifikimin dhe kapjen e autorëve, si dhe për zbardhjen e plotë të rrethanave të kësaj ngjarjeje.
