Një shpërthim me lëndë plasëse ka ndodhur gjatë natës në një lagje periferike të Elbasanit.
Ngjarja ka ndodhur rreth orës 22:00 të mbrëmjes së së mërkurës, pranë një blloku banimi përgjatë përroit të Zaranikës, në lagjen “Banesa”.
Lënda plasëse ishte vendosur në oborrin e pallatit, afër hyrjes së një apartamenti, dhe si pasojë janë dëmtuar disa xhama dritaresh të apartamenteve përreth.
Fatmirësisht, nuk raportohet për të lënduar apo dëme të tjera.Policia mbërriti në vendngjarje dhe po punon për zbardhjen e plotë të rrethanave.
Grupi hetimor po punon për identifikimin e autorëve dhe ka nisur sekuestrimin e pamjeve nga kamerat e sigurisë në zonë, me qëllim ndjekjen e lëvizjeve të mundshme të autorit.
