Tirana është tronditur nga një shpërthim i fuqishëm i ndodhur mbrëmjen e sotme rreth orës 21:10 minuta. Shpërthimi ka ndodhur në katin e dytë të një banese në Tiranë.
Deri më tani dyshimet janë se një sasi eksplozivi ka shpërthyer afër zonës “Vasil Shanto” konkretisht në rrugën “Mihal Popi”, dhe fatmirësisht nuk raportohet për persona të lënduar përveç dëmeve materiale.
Sipas Fax Web, shpërthimi ka ndodhur në banesën e një gjykatësi, ndërkohë që mësohet se banesa është në pronësi të Vasil Stavro, por nuk dihet ende nëse Stavro është pjesë e sistemit të drejtësisë apo jo.
Mësohet se shpërthimi ka ndodhur në afërsi të Gjykatës së Tiranës, ndërkohë që Policia është në vendngjarje nga ku po heton rreth shkaqeve dhe rrethanave të tij.
