Një shpërthim i fuqishëm ka ndodhur mbrëmjen e sotme në portin e Sarandës, duke shkaktuar panik dhe dëme të konsiderueshme. Burime paraprake bëjnë me dije se shpërthimi ka ndodhur në një anije të huaj që ndodhej në radë. Policia dhe ambulanca janë në vendngjarje dhe konfirmohet se një person është plagosur.
Sipas informacioneve fillestare, dyshohet se shpërthimi është shkaktuar nga bombola e oksigjenit e një personi që do të kryente zhytje. Autoritetet po hetojnë rrethanat e ngjarjes për të përcaktuar shkaqet e sakta të shpërthimit dhe për të siguruar zonën.
