Një shpërthim i fuqishëm ka ndodhur mesditën e sotme në një magazinë në Lushnjë. Sipas të dhënave paraprake mësohet se se si pasojë e shpërthimit ka humbur jetën një person dhe kanë mbetur të plagosur 10 të tjerë. Mes të plagosurve raportohet se është edhe deputeti Bujar Çela, i cili si pasojë e plagëve të marra i është nënshtruar ndërhyrjes kirurgjikale. 4 të plagosur janë transportuar nga Lushnja drejt Tiranës. Të plagosurit dhe viktima janë punonjës të magazinës.
Shkak për shpërthimin është bërë një vinç, i cili gjatë punimeve ka prekur telat e tensionit të lartë.
