Mediat online po përmendin shpërthimin e një epidemie të re në Kinë, ku spitalet janë mbushur plot me pacientë.
Pas pesë vjetësh nga shpërthimi i Covid-19, tani po ngrihen shqetësime për një numër të madh infektimesh nga HMPV (metapneumovirusi njerëzor), një virus sezonal që shkakton infeksione të mushkërive dhe ka simptoma të ngjashme me ato të Covid-19.
Ky virus, i zbuluar për herë të parë në Holandë në vitin 2001, është përhapur shpejt në Kinë dhe ka ngritur shqetësime për një shpërthim serioz.
Megjithatë, autoritetet kineze, përmes Qendrës Kineze për Kontrollin dhe Parandalimin e Sëmundjeve, theksuan se kjo rritje e infeksioneve është e pritshme gjatë dimrit dhe nuk përbën ndonjë situatë alarmante, duke e krahasuar me shpërthimet e gripit dhe pneumonisë sezonal.
