Pas braktisjes së seancës plenare, opozita ka mbajtur fjalime në oborrin e Kuvendit duke dhënë mesazhet e tyre kundër qeverisë.
Pas deklaratës së Bashës, i cili akuzoi se Rama po mban peng Kuvendin, fjalën përpara mediave e ka marrë kryetarja e LSI-së, Monika Kryemadhi.
Numri një i LSI-së, ‘kërcënoi’ qeverinë se opozita nuk do të jetë më zjarrfikësja e protestave.
Duke ngritur tonet, ajo tha se nga nesër të gjithë qytetarët të shikojnë lajmet pasi do të ketë zhvillime të mëdha.
“Shumë shpejt do të mblidhemi dhe do kemi axhendën. nuk është çështje bojkoti se nuk ke çfarë të bojkotosh. Opozita është bashkë. Do njiheni shumë shpejt jo vetëm me axhendën por dhe me grupet e strukturat. S’ka nevojë më për protesta masive.
Ke me qindra studentë, familje, minatorë, naftëtarë. Opozita nuk do të jetë më zjarrfikëse dhe të fikë më zjarrin e protestës por do të vihet në krye të protestave. Çdo njeri që i jep oksigjen këtij hajduti psikik është tradhtar”, tha Kryemadhi.
