Liverpooli ka vazhduar serinë e fitoreve, duke mposhtur Sheffield United me rezultatin 2:0 në ndeshjen e mbrëmshme. Edhe pse fitimi ishte i lehtë për ekipin e Jurgen Klopp, goli i sigurisë u shënuar në fund shtoi kënaqësinë. Megjithatë, thelbi i suksesit qëndron te tre pikët e fituara, ndonëse vëmendja e publikut u përqëndrua te deklarata e Klopp pas ndeshjes.
Një gazetar i Amazon Prime Sport ka bërë një pyetje në lidhje me datën e ndeshjes së ardhshme të Liverpoolit, duke e kujtuar se Klopp kishte shprehur mospëlqimin e tij për orën 13:30 të ndeshjeve. Ndërkohë, Liverpooli do të luajë kundër Crystal Palace pikërisht në atë orë, dhe gazetari ka ngacmuar me fjalët: “Koha juaj e preferuar për të filluar ndeshjen.”
Klopp mbeti i qetë, por ishte e qartë se ishte provokuar. Ai u përgjigj: “Shkëlqyeshëm, është shumë mirë që bëtë një shaka për këtë. Ne do të shkojmë në shtëpi, nuk e di se kur do të arrijmë, ndoshta ora 1 ose 2. Ndeshja e re vjen pas ndoshta dy seancave stërvitore. Është në rregull për të luajtur sërish. Njësoj për Palacen. Përsëri, e di që nuk e kuptoni këtë gjë, edhe pse punoni në futboll. Pse të shqetësohem t’ju shpjegoj.”
Më pas, gazetari kërkoi falje, por Klopp vazhdoi: “Nëse jeni duke bërë shaka për këtë, atëherë jeni plotësisht injorant. Në rregull, futbolli është argëtim, e kuptoj.”
Klopp is so sensitive 🤣🤣😭😭 pic.twitter.com/jvZTKPT9q2
— Not Match of the Day (@NOT_MOTD) December 7, 2023
