Këtë mëngjes, një shpërthim vullkanik u regjistrua në shpatin jugor të kraterit Bocca Nuova në malet e Etnas në Siçili, në një lartësi prej rreth 3,000 metrash.
Instituti Kombëtar i Gjeofizikës dhe Vullkanologjisë, përmes Observatorit të Etnës, ka nisur menjëherë monitorimin dhe studimet në terren për të ndjekur zhvillimet e situatës.
Lava po rrjedh aktualisht në drejtim të jugut, ndërsa aktiviteti sizmik mbetet i qëndrueshëm pa ndonjë ndryshim të dukshëm. Burimi i dridhjeve vullkanike është identifikuar në rreth 2,800 metra lartësi, në zonën midis humnerës dhe kraterit verilindor, dhe nuk janë regjistruar dridhje infrasonike të rëndësishme.
Megjithëse nuk ka pasur emetim hiri, autoritetet kanë vendosur një alarm fluturimi në nivel portokalli si masë sigurie, ndërkohë që Aeroporti i Katanias vazhdon të operojë normalisht.
