Një ngjarje e rëndë ka ndodhur në orët e para të mëngjesit në lagjen “Xhile Lici” të qytetit të Gramshit, ku një bombol gazi ka shpërthyer brenda një banese.
Fatmirësisht nuk raportohet për të lënduar, por dëmet materiale janë të konsiderueshme.
Shpërthimi ka qenë aq i fortë sa ka shkaktuar panik tek banorët e lagjes, ndërsa banesa është shkrumbuar tërësisht.
Në vendngjarje ndërhynë menjëherë shërbimet zjarrfikëse dhe forcat e policisë, të cilat arritën të vënë nën kontroll flakët dhe të sigurojnë zonën përreth. Banesa ku ndodhi shpërthimi është në pronësi të shtetasit Ahmet Kokonozi.
Autoritetet kanë nisur hetimet për të zbardhur rrethanat dhe shkaqet e sakta të ngjarjes.
