Një pallat te Rruga e Kavajës në kryeqytet është përfshirë nga flakët massive gjatë mesditës së sotme. Mësohet se zjarri ka shpërthyer në një apartament dhe është i përmasave të mëdha. Bëhet me dije se flakët janë përhapur si pasojë e shpërthimit të një bombole gazi. Deri tani, mësohet se fatmirësisht nuk ka pasur të lënduar dhe dëmet kanë qenë vetëm materiale. Ndërkohë, banorët e pallatit janë evakuuar për të shmangur incidentet që mund të vijnë si pasojë e zjarrit.. Për të shuar flakët janë duke punuar momentalisht një autobot dhe pesë forca të zjarrfikëseve.
Policia ka njoftuar se zjarri ka rënë në banesën e shtetasit A.B. rreth orës 12:40 dhe se për banorët e pallatit nuk ka pasur probleme. Ndërkohë, grupi hetimor po punon për të zbardhur shkaqet dhe rrethanat që çuan në rënien e zjarrit, thuhet në njoftim.
NJOFTIMI I PLOTË I POLICISE SHTETIT:
Me datë 08.02.2021, rreth orës 12:40, në rrugën e Kavajës, ka rënë zjarr në banesën e shtetasit A. B., ku ka vetëm dëme materiale, nuk ka problem për banorët.
Sherbimet e zjarrfikses ndodhen në vendngjarje dhe po punojnë për fikjen e zjarrit.
Grupi hetimor dhe sherbimet e Policisë vijojnë punën për zbardhjen e shkaqeve të rënies së zjarrit.
