Situata e krijuar nga reshjet e borës në 24 orët e fundit në vendin tonë nuk ka qenë aspak e mirë. Aq më keq në kushtet kur shteti as nuk e merr mundimin të ndërhyjë, duke i lënë qytetarët në mëshirë të fatit, të bllokuar në trafik, në të ftohtë, apo pa ushqime, ilaçe e ujë. Rrugët e vendit kanë qenë prej orësh të pakalueshme për shkak të trashësisë së borës, ndërkohë që asnjë borëpastruese nuk ka qenë në terren. Nga ana tjetër, ministrja e Infrastrukturës Belinda Balluku në vend që të punonte për të ndihmuar qyetarët, bënë shfaqje të shëmtuara duke përdorur borëpastrueset për inskenime.
Ndër qytetarët që kanë mbetur të bllokuar gjatë ditës së djeshme në afërsi të Lezhës, ka qenë edhe analisti i njohur Andi Bushati. Në një postim në rrjetet sociale ai ka shprehur gjithë revolën ndaj shtetit dhe ministres që japin shfaqje kur mund të vinin në punë borëpastrueset për të përmirësuar situatën. Bushati shkruan se ky shtet edhe njeriun më të duruar mund ta shndrrojë në vrasës.
Postimi i Andi Bushtatit:
Pasi kam kaluar me orë të tëra i bllokuar pranë Lezhës, bashkë me qindra të tjerë, pasi nuk pashë për be asnjë borëpastruese, asnjë kripëhedhëse apo qoftë dhe makinë policie që të jepte informacion elementar, sa mbërrij në shtëpi, falë një aventurieri që çau rrugë pa rrugë mes fshatrave, shoh ministren që jep shfaqe pasi ia ka hypur një borëpastrueseje.
Do e kuptoja po të thoshte që jemi një shtet shkë…at, që kështu kemi qenë dhe kështu do mbetemi, kaq fuqi kemi përballë situatave të tilla etj…
Por ama me këto inskenimet e shpifura ku e vetmja makinë që mund të vihej në punë përdorej për xhirime, këta edhe njeriun më të duruar mund ta shndërrojnë në vrasës…
I imagjinoj fytyrat e atyre që pata me orë pranë kur të shohin në ekran Belindën sapo të futen në shtëpi..!
