Vendimi për shpërnguljen e DAR nga Shkodra në Lezhë është duke hasur vështirësitë e saj dhe pas reagimit të ashpër të kryetares së Bashkisë, vjen edhe ai i Kryetarit të Sindikatës së Arsimit në Shkodër, Arjan Peraj.
Edhe Peraj e ka quajtur vendim të papranueshëm dhe të turpshëm, e njëkohësisht ka paralamëruar për protesta dhe ka ngrituar akuzë për shtesën e premtuar të pagës që sipas tij ende nuk është dhënë.
“Që para një viti me anë të medias dhe rrjerteve sociale patëm paralëjmaruar këtë veprim të turpshëm që qeveria po bën ndaj Bashkisë së Shkodrës. Veprimi i fundit i ministres së arsimit është turpshëm. Shkodra meriton të jetë qendra e arsimit shqiptar. Në arkivat e Shkodrës ka një shkollë shumë kohë më përpara se ajo e Korçës. Shkodra ka 1140 mësues. Nxënësit janë në mazhorancë në Shkodër në krahasim me të Lezhës. Ky është një vendim politik. Është veprimi më anti popullor. Kemi dy mundësi që në ditët në vijim të vijojnë protestat. Kemi shtesën e pagës që na e premtua dhe s’na u dha. Sa më shpejt të veprojmë aq më mirë për ne”, deklaroi Peraj.
Peraj është shprehur i vendosur në vendimin e marrë dhe nuk do të tërhiqet pas, të njëjtin mendim me të ka ndarë edhe ditën e djeshme kryetarja e Bashkisë Shkodër, Voltana Ademi e cila i ka dërguar një shkresë zyrtare si prefektit të Shkodrës ashtu edhe kryeministrit Rama.
