Departamenti amerikan i Thesarit ka vendosur sanksione ndaj Millorad Dodik. Ndër të tjera sanksionet janë vendosur edhe ndaj Televizionit ‘Alternativa’ nga Banja Lluka, që ndërlidhet me familjen e Dodikut. Për këtë veprim ka reaguar Ambasada Amerikane në Tiranë.
Në postim ambasada shkruan se kjo është një përgjigje ndaj aktiviteteve korruptive të Dodik si dhe kërcënimeve të vazhdueshme ndaj stabilitetit të Bosnjes. Ky vendim është komentuar edhe nga diplomatja amerikane Yuri Kim e cila ka ripostuar në Tëitter reagimin e ambasadës.
Postimi i Ambasadës amerikane:
Sot, Zyra e Kontrollit të Pasurive të Huaja, përcaktoi publikisht Milorad Dodik, anëtar i Presidencës së BH & një platformë mediatike të lidhur me të, në përgjigje të aktiviteteve korruptive të tij & kërcënimeve të vazhdueshme ndaj stabilitetit & integritetit territorial të BH.
Vendimi
Departamenti amerikan i Thesarit ka njoftuar për zgjerimin e sanksioneve për vepra korruptive, në të cilat është përfshirë anëtari serb i Presidencës së Bosnje e Hercegovinës, Millorad Dodik.
Siç thuhet në njofim, sanksionet janë vendosur edhe ndaj Televizionit ‘Alternativa’ nga Banja Lluka, që ndërlidhet me familjen e Dodikut.
Departamenti i Thesarit tha se sanksionet shprehin përkushtimin e administratës së presidentit amerikan, Joe Biden, për të promovuar llogaridhënien “për ata, që mes tjerash, minojnë stabilitetin e rajonit të Ballkanit Perëndimor përmes korrupsionit dhe kërcënimeve ndaj marrëveshjeve afatgjata të paqes”.
