Talebanët kanë shpallur qeverinë e përkohshme këtë të martë pas deklaratës se kanë marrë plotësisht krahinën e Panjshirit.
Ata kanë njoftuar emrat e disa ministrave të kabinetit të ri qevritar në Afganistan, i cili do të udhëhiqet nga Mohammad Hasan Akhund. Abdul Ghani Baradar do të jetë nënkryetar dhe Sirajuddin Haqqani është emëruar si ministër i brendshëm.
Njoftimin e ka dhënë në një konferencë për shtyp në Kabul zëdhënësi i grupit Zabiullah Mujahid.
Mullah Mohammad Yaqoob, djali i themeluesit të talebanëve Mullah Omar, është emëruar si ministër i mbrojtjes. Hedayatullah Badri do të jetë ministri i Financave. “Emirati Islamik vendosi të emërojë dhe shpallë një kujdestar kabineti për të kryer punët e nevojshme qeveritare, “tha Mujahid. Muxhahidi emëroi 33 anëtarë të “qeverisë së re islame” dhe tha sepostimet e mbetura do të shpallen pas një shqyrtimi të kujdesshëm.Sipas Al Jazeera shumë nga emrat e shpallur nga Mujahid ishin “fytyra të vjetra”.
“Gjithashtu është rëndësishme të thuhet se shumë nga këta emra, shumica dërrmuese e tyre janë në të vërtetë Pashtun dhe nuk po marrin parasysh, siç mund të thonë kritikët, diversitetin e madh etnik të këtij vendi.”
Mujahid theksoi se kabineti ishte një qeveri “aktive” dhe se grupi “do të përpiqet të marrë njerëz nga pjesë të tjera të vendit”. Njoftimi vjen një javë pasi Shtetet e Bashkuara përfunduan tërheqjen e tyre, duke i dhënë fund pushtimit 20-vjeçar të vendit. Talibanët kishin premtuar një qeveri “gjithëpërfshirëse” që përfaqëson përbërjen komplekse etnike të Afganistanit – megjithëse gratë nuk ka gjasa të përfshihen në nivelet e larta. Nuk ishte e qartë se çfarë roli në qeveri do të luante Mulla Haibatullah Akhundzada, udhëheqësi taleban, i cili nuk është parë apo dëgjuar në publik që nga rënia e qeverisë së mbështetur nga Perëndimi dhe marrja e Kabulit nga talebanët në gusht.
