Ish-kryeprokurori Adriatik Llalla është shpallur në kërkim kombëtar, pasi policia nuk e gjeti në shtëpinë e tij në momentin që shkoi për ta arrestuar mbrëmjen e sotme.
Llalla rezulton të jetë jashtë vendit, pas inga sistemi TIMS rezulton se ka dalë jashtë Shqipërisë dy javë më parë. Pasi efektivët e policisë shkuan në banesën e tij, nuk pati ndonjë komunikim për mediat, megjithatë pas kësaj ai është shpallur zyrtarisht në kërkim.
Ndërkohë, avokati i tij Sokol Hazizaj ka deklaruar në emisionin “Open” se prej më shumë se një muaj kanë njoftuar për gjendjen shëndetësore t ëish-kryeprokurorit. Ai deklaroi sërish se nuk ka dijeni për vendndodhjen e Lallës.
“Llalla kemi më shumë se një muaj që kemi njoftuar për gjendjen e tij të rëndë shëndetësore, arsye përse kemi qenë në shërbim mjekësor. Po e rikthesoj, Llalla i ka besuar mbrojtjen ligjore një avokati nuk është i detyruar që të vijë në ambientet e gjykimit. Jam indiferent se ku ndodhet i mbrojturi prej meje. Ka dalë një urdhër në zbatim të një vendimi gjykatë të paragjykuar dhe pa standard ligjor”, tha Hazizaj.
Apeli i GJKKO dënoi sot me dy vite burg ish-kryeporkurorin Adriatik Llalla dhe gjithashtu i hoqi të drejtën për të ushtruar funksione publike për 5 vjet. Vendimi erdhi pas akuzave për “Refuzim për deklarim, mos deklarim, fshehje ose deklarim i pasurive, interesave privat të personave të zgjedhur dhe nëpunësve publik ose i çdo personi tjetër që ka detyrim ligjor për deklarim”.
