Me vendim qeverie nënkomisari Saimir Hoxha është shpallur “Dëshmor i Atdheut” dhe familajërt e tij do të trajtohen financiarisht nga shteti. Ministri i Brendshëm, Bledi Çuçi ka thënë se fëmijët e nënkomisarit do të marrin trajtim deri në moshën 18-vjeçare dhe nëse vazhdojnë shkollëne lartë e deri në 25 vjeç do marrin pagë prej 170% të pagës së nënkomisarit. Atyre do u garantohet kujdesi shëndetësor falas dhe benefite të tjera si rezultat i statusit “Dëshmor i Atdheut” të babait të tyre.
“Siç e dini, dje humbi jetën në mënyër tragjike në krye të detyrës nënkomisari Saimir Hoxha. Morëm vendimin Për shpalljen “Dëshmor i Atdheut” nënkomisar. Qeveria mori vendim për trajtimin e menjëhershëm financiar të familjarëve. Me marrjen e titullit, kur të hyjë në fuqi ligji i ri që miratuam në mbledhjen e parë të kësaj qeverie ato do të trajtohen, posaçërisht fëmijët si fëmijë në përkujdesje të Republikës. Kjo do të thotë se fëmijët do të marrin një trajtim deri në 18 vjeç dhe nëse vijojnë shkollën e lartë deri në 25 vjeç do të marrin pagë prej 170% të pagës së nënkomisarit. Jo vetëm kaq, do të marrë trajtim falas shëndetësor dhe benefitet si rezultat i statusit “Dëshmor i Atdheut” të babait të tyre. Sigurisht fëmijëve do u mungojë babai i tyre, por në asnjë moment gjatë gjithë jetës së tyre nuk do i mungojë përkujdesja nga shteti”, ka thënë Çuçi.
