Katër persona u shpallën fajtorë për vrasjen e shqiptarit Urim Gjabri në një shtëpi në Para Vista, në 2018 në Adelaide, Australi.
Benjamin John Mitchell, 33 vjeç, Alfred Claude Rigney, 44 vjeç, Matt Bernhard Tenhoopen, 25 vjeç dhe Aaron Donald Carver, 37 vjeç, u gjykuan të akuzuar për vrasjen e Urim Gjabrit në tetor 2018.
Pas rreth 26 orësh diskutimesh për katër ditë, juria me 10 gra dhe dy burra dha vendimin e saj të enjten pasdite.
Një bisht cigaresh e gjetur në vendin e krimit ishte prova që zbuloi Aaron Donald Carver. Ai është një nga katër burrat që janë shpallur fajtorë për vrasje. Bishti i cigares është gjetur në vendin e krimit akuza arriti të prpvojë lidhjen me Aaron Donald Carver. Ai është një nga katër burrat që janë shpallur fajtorë për vrasje.
Tenhoopen, i cili buzëqeshi kur hyri në gjykatë, dukej i shtangur kur mësoi fatin e tij, pastaj tundi me kokë dhe i bëri me dorë një gruaje ndërsa e çuan në qeli. Mitchell, Rigney dhe Carver nuk reaguan ndaj vendimit.
Gjyqtari David Lovell i dërgoi të akuzuarit në paraburgim dhe do t’i dënojë në një datë të mëvonshme.
Gjabri u gjet i vdekur në një shtëpi të Carousel Street në Para Vista, në veri të Adelaide.
Gjatë gjyqit gjashtë javor, juristët dëgjuan që Gjabri ishte fshehur në këtë shtëpi në një përpjekje për të shmangur autoritetet e imigracionit.
Shtëpia u bastis dhe u plaçkit natën vonë, ndërsa Gjabri u sulmua. Prokurorët thanë se kishte të ngjarë që ai mbeti gjallë për disa orë, pasi pësoi një plagë në kokë, e cila përfundimisht do të rezultonte fatale. Trupi i tij u gjet tre ditë pas sulmit.
Në shtëpi grabitësit morën drogë të llojit kanabis, të cilën e paketuan në qese plehrash dhe më pas e vendosën në pjesën e pasme të makinës së Gjabrit, e cila u drejtua disa kilometra larg, ku ata u transferuan në një makinë tjetër.
Fqinjët raportuan se kishin dëgjuar njerëz duke sharë njëri-tjetrin dhe duke bërtitur, ndërsa përpiqeshin të fusnin kanabisin në automjet.
Carver, Mitchell dhe Tenhoopen u larguan nga Australia e Jugut për në Queensland disa ditë pas incidentit. Në një telefonatë të regjistruar midis Carver dhe një bashkëpunëtori, ai u përgjigj “po” kur u pyet “a kishte vdekur?”
Gjatë gjykimit, jurisë iu tregua gjithashtu një video e filmuar nga e dashura e Tenhoopen, e cila i tregonte atij heqjen e bimëve të kanabisit.
ADN-ja e Carver-it u gjet gjithashtu në një thikë në vendin e ngjarjes.
Në mbylljen e tij të mbrojtjes, avokati ngriti mundësinë e një organizate misterioze, e cila mund të kishte qenë përgjegjëse për vrasjen, pasi burrat kishin grabitur shtëpinë. Por Prokuroria e hodhi poshtë këtë mundësi.
/GazetaReforma.com/
