Egert Bakalli, trajner i Dinamo U-15, së bashku me lojtarët e skuadrës, ka surprizuar sot në spital Luis Meçen, i cili mori katër plagë gjatë një sherri me thika pranë shkollës “Fan Noli”.
Në këto momente të vështira, shokët e ekipit janë më të bashkuar se kurrë, jo në fushën e futbollit, por në ambientet e spitalit.
Tragjedia e humbjes së 14-vjeçarit Martin Cani, pas një konflikti për arsye banale mes shokëve, tronditi opinionin publik.
Martin, që duhej të kthehej për stërvitje në fushën e gjelbër, pa mundur të realizonte ëndrrat e tij, pasi një sherr me thikë e çoi në fund jetën e tij.
Ngjarja tragjike ndodhi ditën e hënë, kur një konflikt mes nxënësve të shkollës “Fan Noli” dhe një grupi të rinjsh nga një shkollë tjetër në Sauk, përfundoi në përdorimin e armës së ftohtë.
Policia e Tiranës ka konfirmuar se ngjarja ndodhi rreth 200-300 metra larg shkollës “Fan Noli”, ku katër të rinjtë u konfliktuan dhe situata degjeneroi deri në përdorimin e thikës.
