Policia e Durrësit ka arrestuar një shofer që dyshohet se ishte në gjendje të dehur dhe tentoi të korruptonte efektivët e Policisë Rrugore.
Gjatë kontrolleve parandaluese në rrugën “Martin Camaj”, u ndalua automjeti me drejtues shtetasin A.O., 46 vjeç, i cili u konstatua duke drejtuar mjetin në gjendje të dehur me një përqendrim alkooli prej 1.26 mg/l.
Për të shmangur arrestimin, ai ofroi 4500 lekë ryshfet efektivëve të Policisë.
Pas veprimeve hetimore, A.O. u arrestua për veprat penale “Korrupsioni aktiv i personave që ushtrojnë funksione publike” dhe “Drejtimi i automjeteve në mënyrë të parregullt”.
Gjatë ditës, Policia Rrugore e Durrësit ka vënë në pranga edhe katër drejtues automjetesh të tjerë dhe ka proceduar penalisht një tjetër për tentativë korrupsioni.
Njoftimi:
Po gjatë ditës së sotme Policia Rrugore e Durrësit vuri në pranga 4 drejtues automjetesh dhe procedoi penalisht një tjetër i cili tentoi të korruptonte punonjësit e Policisë Rrugore.
Gjatë kontrolleve parandaluese, shërbimet e Policisë Rrugore, në rrugën “Martin Camaj”, kanë ndaluar mjetin me drejtues shtetasin A. O., 46 vjeç, pasi është konstatuar duke drejtuar automjetin, në gjendje të dehur në masën 1.26 mg/l. Për të shmangur arrestimin, 46-vjeçari i ka ofruar punonjësit të Policisë, 4500 lekë të rinj.
Në vijim të veprimeve u arrestua shtetasi A. O., 46, për veprat penale “Korrupsioni aktiv i personave që ushtrojnë funksione publike” dhe “Drejtimi i automjeteve në mënyrë të parregullt”.
Policia Rrugore e Durrësit apelon për të gjithë përdoruesit e rrugës që të zbatojnë në mënyrë rigoroze rregullat e qarkullimit rrugor dhe fton qytetarët që të denoncojnë në numrin 112 çdo shkelje të rregullave të qarkullimit rrugor duke u garantuar anonimat të plotë dhe reagim të menjëhershëm të shërbime të Policisë.
