Një episod që mund të përfundonte në tragjedi është shmangur këtë të premte në Francë. Aleksis Beka Beka, futbollist i ekipit francez Nice, skuadër që po lufton për titullin në Ligën Një, tentoi të kryejë vetëvrasje duke u hedhur nga një urë me një lartësi mbi 100 m. Beka kërcënonte se do të hidhej, por fatmirësisht pas disa orësh negociata me shërbimet e emergjencës ai është bindur duke mos e çuar situatën drejt tragjedisë. Në fund ishin zjarrfikësit ata që ndërhynë, duke parandaluar aktin fatal.
Mediat franceze raportuan se futbollisti kërkoi t’i japë fund jetës për shkak të ndarjes nga e dashura. Ndërkohë klubi francez i Nisë pezulloi të gjitha aktivitetet e ditës së premte.
