Një tjetër lëkundje tërmeti është regjistruar pak çaste më parë në Tiranë.
Dridhja e tokës ka qenë e fortë dhe është ndjerë shumë nga qytetarët, duke krijuar panik.
Siç mësohet edhe nga faqet që raportojnë mbi lëkundjet sizmike, tërmeti ishte më magnitudë 4.3 ballë të shkallës rihter.
Gjithashtu mësohet se goditja e tërmetit ishte me epiqendër në detin Adriatik, dhe është ndjerë në të gjithë kryeqytetin dhe në Durrës.
Paraprakisht nuk janë raportuar dëme materiale apo në njerëz.
Gjatë natës së kaluar, 4 tërmete të njëpasnjëshme kanë tronditur Thumanën.
Tërmetet kanë qenë me magnitudë nga 2.1 deri në 3.6 të shkallës Rihter dhe lëkundjet sizmike janë ndjerë nga banorët e zonës por edhe në Tiranë.
As nga këto lëkundje nuk u raportuan dëme materiale apo në njerëz.
