Një tragjedi e vertetë ka ndodhur në Egjipt, ku një kishë është përshirë nga një zjarr masiv me pasoja të tmerrshme.
Raportohet se 41 persona kanë mbetur viktima dhe 45 persona janë në gjendje të plagosur nga zjarri i përmasave të mëdha që ra brenda një kishe në qytetin egjiptian të Gizës të dielën. Zjarri ra si pasojë e një shkëndije elektrike pak para orës 9 të mëngjesit, kur në kishën Abu Sifin po zhvillohej mesha e së dielës dhe rreth 5,000 njerëz ndodheshin brenda godinës, raporton Agjencia e Lajmeve Reuters.
#BREAKING: 45 dead, dozens injured in Abu Sefein Church fire in #Giza, Egypt. ‐ AFP pic.twitter.com/NdL7BpC6nw
— Moshe Schwartz (@YWNReporter) August 14, 2022
Theksojmë se zjarri bllokoi një nga hyrjet e kishës duke shkaktuar një rrëmujë, e cila si pasojë la të vdekur shumë fëmijë që ndodheshin pranë prindërve të tyre.
“Njerëzit po mblidheshin në katin e tretë dhe të katërt, dhe ne pamë tym që vinte nga kati i dytë. Njerëzit nxituan të zbrisnin shkallët dhe i pamë duke rënë mbi njëri-tjetrin. Pastaj dëgjuam një zhurmë dhe shkëndija dhe zjarr që dilnin nga dritarja”, deklaroi Yasir Munir, një predikues i fesë që ndodhej në katin e parë të kishës së bashku me vajzën e tij dhe arritën të shpëtonin.
Kujtojmë që zjarret elektrike të këtij lloji nuk janë një dukuri e rrallë në Egjipt. Në fund të vitit 2020, një zjarr në një spital që trajtonte pacientët me COVID-19 vrau të paktën shtatë persona dhe plagosi disa të tjerë.
