Një banesë njëkatëshe është përfshirë nga flakët në orët e para të mëngjesit të së martës në fshatin Rrile, Lezhë.
Sipas informacioneve paraprake, dyshohet se shkak i zjarrit është bërë një shkëndijë elektrike, por grupi hetimor i Policisë së Shtetit dhe specialistët e Shërbimit të Mbrojtjes nga Zjarri po punojnë për të përcaktuar shkaqet e sakta.
Banesës, në pronësi të shtetasit Ndrec Rrushaj, i është shkaktuar dëm i madh material, pasi zjarri ka përfshirë të gjitha orenditë dhe pajisjet brenda saj.
Fatmirësisht, familjarët kanë arritur të dalin në kohë dhe nuk ka persona të lënduar.
Pavarësisht ndërhyrjes së menjëhershme të zjarrfikësve, flakët kanë shkrumbuar të gjithë shtëpinë.
