Një shpërthim i fuqishëm nga ndodhur gjatë natës ku është shkrumbuar një automjet në Lezhë.
Sipas burimeve nga policia bëhet me dije se automjeti i përkiste një biznesmeni nga ky qytet me iniciale A.F.
Që në momentin e parë janë njoftuar uniformat blu të cilat janë duke punuar për zbardhjen e ngjarjes ku ende ka dyshime.
Policia ende nuk ka vendosur përfundimisht nëse bëhet fjalë për zjarrvënie me qëllim apo për një defekt të mundshëm, i cili mund të ketë sjellë edhe përfshirjen e tij në flakë.
Nga çfarë bëhet e ditur makina ka qenë e parkuar pranë shtëpisë së biznesmenit në momentin që ka ndodhur ngjarja dhe deri më tani nuk është zbuluar nëse ka pasur përplasje apo debate me dikë që mund t’i shkaktonte një dëm të tillë para shtëpisë.
